Antidote er þriðja breiðskífa Einars Tönsberg sem er betur þekktur undir nafninu Eberg. Vinnan við Antidote hófst í janúar 2008 með ferð til Pescara á Ítalíu með hinum hrynfasta Nóa Steini þar sem teknir voru upp grunnar og samin lög. Í bakaleiðinni var komið við í Oxfordskíri og föndrað aðeins með ... Lesa Meira

Antidote er þriðja breiðskífa Einars Tönsberg sem er betur þekktur undir nafninu Eberg. Vinnan við Antidote hófst í janúar 2008 með ferð til Pescara á Ítalíu með hinum hrynfasta Nóa Steini þar sem teknir voru upp grunnar og samin lög. Í bakaleiðinni var komið við í Oxfordskíri og föndrað aðeins með hljóð en að öðru leyti er platan öll unnin á Íslandi. Upptökur gengu vel nema þegar vel viðraði og sumarbústaðarsmíði truflaði annars vel einbeittan listamanninn. Líkt og áður semur og syngur Eberg flest laga sinna en á Antidote fær hann þó aðstoð frá góðum gestum. Í laginu Reykjavík nýtur hann krafta Barða Jóhannssonar en í sameiningu sömdu þeir og hljóðrituðu lagið. Tvær söngkonur koma við sögu en önnur þeirra hefur sungið og spilað inn á fyrri útgáfur Ebergs. Þetta eru þær Bird (Janie Price) sem leikur einnig á selló á plötunni og Rósa Birgitta, betur þekkt sem Diva De la Rosa úr hljómsveitinni Sometime. Þrír trymblar koma við sögu en það er þó Nói Steinn sem leikur í öllu lögum nema tveimur þar sem þeir Arnar Þór Gíslason og Luke Watson slá taktinn. Eberg leikur á öll önnur hljóðfæri ásamt því að sjá um upptökustjórn og hljóðblöndun plötunnar.