Terminal er önnur breiðskífa hljómsveitarinnar Hjaltalín og er ætlað að fylgja eftir gríðarlegum vinsældum frumburðar sveitarinnar, Sleepdrunk Seasons, sem kom út árið 2007. Hljómsveitin eyddi stórum hluta ársins 2009 inni í Hljóðrita í Hafnarfirði við vinnslu plötunnar ásamt Sigga og Kidda úr Hjálm... Lesa Meira

Terminal er önnur breiðskífa hljómsveitarinnar Hjaltalín og er ætlað að fylgja eftir gríðarlegum vinsældum frumburðar sveitarinnar, Sleepdrunk Seasons, sem kom út árið 2007. Hljómsveitin eyddi stórum hluta ársins 2009 inni í Hljóðrita í Hafnarfirði við vinnslu plötunnar ásamt Sigga og Kidda úr Hjálmum, milli þess sem sveitin þeyttist um alla Evrópu á tónleikaferðalögum. Á öllum þessum þeytingi gaf sveitin sér þó tíma til að semja og þróa með sér lögin, m.a. á nærfötunum á hótelherbergjum, níu tíma ökuferðum milli tónleikastaða, í fjallakofa í Noregi og sumarhúsi á Ítalíu. Óhætt er líka að segja að Terminal fer með hlustandann um víða völl. Hjaltalín setti líka saman sinfóníska hljómsveit, sem taldi hátt í fjörtíu manns, til þess að auka litróf plötunnar og er óhætt að segja að platan sé litrík í meira lagi. Hjaltalín sýnir á Terminal að sveitin er algjörlega einstök í sinni röð. Áhrifin geta reyndar oft verið augljós en þegar upp er staðið er hljómur Hjaltalín algjörlega sér á báti.