Farg er fyrsta plata tónlistarmannsins Rúnars Eff. Plata þessi inniheldur 12 lög eftir Rúnar sjálfan ásamt A-HA slagaranum 'Take on Me'. Í 18 ár stundaði Rúnar íshokkí með liðum hér á landi ásamt liðum í Danmörku og auðvitað íslenska landsliðinu. Í byrjun árs 2007 ákvað hann að gefa allt sitt í tónl... Lesa Meira

Farg er fyrsta plata tónlistarmannsins Rúnars Eff. Plata þessi inniheldur 12 lög eftir Rúnar sjálfan ásamt A-HA slagaranum 'Take on Me'. Í 18 ár stundaði Rúnar íshokkí með liðum hér á landi ásamt liðum í Danmörku og auðvitað íslenska landsliðinu. Í byrjun árs 2007 ákvað hann að gefa allt sitt í tónlistina og leggja skautana á hilluna. Hann fór að safna saman lögum á plötuna og hóf svo upptökur í október 2007. Rúnar var ekki í vandræðum með að sanka að sér frábærum listamönnum til að hjálpa sér við upptökurnar. Þeir Kristján Edelstein og Kyle Gudmundsson sáu um upptökur, hljóðblöndun og útsetningar ásamt Rúnari sjálfum. Benedikt Brynleifsson einn fremsti trommuleikari Íslands sá um trommuleik, Kristján Edelstein - gítar, Atli Hergeirsson (úr Toymachine) - bassa, Ingvar Alfreðsson - píanó, Ásdís Arnardóttir - selló, Einar Rúnarsson - hammond og þau Erna Ólafsdóttir (úr Bermúda) og Sigurður Ingimarsson (X-Factor) sáu um bakraddir ásamt sjálfum Rúnari.