Laddi hefur komið víða við; verið í samals fimm hljómsveitum, gefið út 7 sólóplötur, fjórar sem Halli og Laddi og þrjár með HLH flokknum, leikið í sex sjónvarpsleikritum, ellefu kvikmyndum, þrettán leikritum og fimm útvarpsleikritum, farið í fimm gríntúra um landið og sett upp að minnsta kosti átta eigin skemmtisýningar. Geri aðrir betur.

Hann hefur hitt á húmorstaugar landans betur og oftar en flestir aðrir og hefur tekist að skapa fjömarga óborganlega karaktera, sem eru löngu orðnir partur af þjóðarsálinni og lifa góðu lífi með okkur hinum. Það sem hefur einkennt ferilinn er ekki síst fjölbreytileika Ladda sem listamaður, en hann er jafnvígur sem grínisti, alvarlegur leikari á sviði og í kvikmyndum, auk þess að vera liðtækur hljóðfæraleikari og afbragðs söngvari.

Laddi fæddist í Hafnarfirði, 20. janúar 1947 og hóf feril sinn með trommuleikari og söngvari í hjómsveitinni Föxum árið 1965. Í kjölfarið fylgdu hljómsveitirnar Tárið, Ernir, Brunaliðið og HLH Flokkurinn.

Hann hefur verið tíður gestur á sjónvarpsskjám landsmanna allt frá árinu 1971 þegar hann kom reglulega fram í hinum ýmsu gervum í Stundinni okkar með Bryndísi Schram. Hann hefur komið fram í svo til öllum Áramótaskaupum síðan 1971 og farið á kostum í þáttum á borð við Heilsubælið í Gervahverfi, Imkassanum, Spaugstofunni og Gætt'aðí hvað þú gerir maður. Meðal sjónvarsleikrita má nefna Fornbókabúiðina og Kalla Kaffi.

Meðal eftirminnilegra útvarpsþátta- og leikrita má nefna Gleiðfréttirnar á Bylgjunni og Frost á stöku stað. Í leikhúsinu hefur hann sýnt ógleymanlega frammistöðu í stykkjum á borð við Litla hryllingsbúðin, Fífl í hófi, Nördinn, Grease, Kalli á þakinu, Salka Valka og nú síðast Viltu finna milljón og Ó-Fagra Veröld.

Meðal helstu kvikmynda Ladda má nefna Stellu í orlofi, Hvíta máva, Magnús, Löggulíf, Karlakórinn Hekla, Íslenska drauminn, Regína og Stella í Framboði.

Meðal helstu platna Ladda má nefna Skammastu þín svo/Stórpönkarinn, Deió, Allt í lagi með það, Einn voða vitlaus, Ertu búnaðverasvona lengi?, Of feit fyrir mig og Besti vinur aðal. HLH flokkurinn gaf m.a. út plöturnar Í góðu lagi og Í Rokkbuxum og strigaskóm. Halli og Laddi gáfu m.a. út plöturnar Hlúnkur er þetta og Umhverfis jörðina á
45 mín.

Laddi er ekkert minna en þjóðargersemi og það ótrúlega magn skemmtunar sem hann hefur gefið þjóðinni í formi leiksigra, sköpunar óborganlegra karaktera og tónlistar er sannarlega ómetanlegt.