Fyrsta íslenska þjónustan komin fyrir iPhone og iPad

14. júní 2010 Tónlist.is hefur sett í loftið fyrstu þjónustuna (app) fyrir iPad sem er sérsniðin fyrir íslenskan markað. Þjónustan byggir á því að notendur Tónlist.is geta nú nýtt áskrift sína í gegnum iPad, iPod Touch og iPhone.

Þetta þýðir að þeir sem eru í áskrift hjá Tónlist.is geta streymt tónlist hvar og hvenær sem er í gegnum viðkomandi handtæki. Í fyrstu útgáfu af þjónustunni er hægt að hlusta á allt íslenskt efni, en í lok júní kemur inn tónlist frá Universal og þegar líður á sumarið er ætlunin að tónlist frá Sony, Warner og EMI komi inn í þjónustuna en samningarviðæður um það eru í gangi. Þegar þessi fyrirtæki eru komin inn hafa áskrifendur aðgang að 4.000.000 laga. Eina sem viðkomandi þarf að hafa er aðgang að Wi-Fi eða 3G tengingu.

Tónlist.is er stærsta tónlistarverslun landins og leggur mikið upp úr því vera leiðandi aðili á stafrænni dreifingu tónlistar á Íslandi, er þetta aðeins ein af mörgum nýjungum sem væntanlegar eru á árinu.

Til að ná í þjónustuna er farið á eftirfarandi slóð...
http://itunes.apple.com/us/app/tonlist-is/id374489123?mt=8