Nóra - Bólaheiðfall

17. júní 2010 Lag vikunnar að þessu sinni er lagið Bólaheiðfall með hljómsveitinni Nóru.

Lagið er tekið af þeirra fyrstu breiðskífu sem nefnist Er einhver að hlusta? sem kom út föstudaginn 11. júní. Aðdáendur sveitarinnar hafa beðið plötunnar með eftirvæntingu en lagið Sjónskekkja sat á Vinsældalista Rásar 2 í fimm vikur árið 2009. Platan var tekin upp í Tankinum á Flateyri sumarið 2009 og upptökum stjórnaði Önundur Hafsteinn Pálsson en um hljóðblöndun og hljómjöfnun sá Axel Árnason. Platan inniheldur 10 frumsamin lög sem öll eru sungin á íslensku. Systkinin Egill og Auður Viðarsbörn leiða þar saman raddir sínar en aðrir meðlimir eru Frank Arthur Blöndahl Cassata, Hrafn Fritzson og Bragi Páll Sigurðarson.

Smelltu þér á þetta frábæra lag fyrir aðeins 179 kr.