Frítt lag með Jónasi Sigurðssyni

09. júlí 2010 Jónas Sigurðsson sendi árið 2007 frá sér plötuna Þar sem malbikið svífur mun ég dansa en platan var að mörgum talin besta plata ársins 2007. Jónas sem áður hafði leikið með hljómsveitinni Sólstrandagæjarnir kom mjög á óvart með sinni fyrstu sólóplötu og fékk hann mikið lof fyrir lagasmíðar og útsetningar. Nokkur lög slógu í gegn af plötunni og heyrast þau enn í dag á öldum ljósvakans en það eru lögin Þar sem malbikið svífur mun ég dansa, Ofskynjunarkonan, og Baráttusöngur uppreisnarklansins á skítadreifurunum.

Nýjasta lag Jónasar heitir Hamingjan er hér, og er sannkallaður hamingju-sumarslagari hér á ferð. Plata Jónasar mun svo koma út í byrjun október í haust á vegum Cod Music og er því bið marga á enda. Lagið er hægt að nálgast frítt hér að neðan...

Jónas Sigurðsson og Ritvélar framtíðarinnar - Hamingjan er hér
(Hægri smelltu og veldu Save Target As/Save Link As til að sækja lagið)


Lag og texti eru eftir Jónas Sigurðsson en hann syngur og spilar einnig á trommur. Aðrir sem koma að laginu eru:

Bassi - Ingi Björn Ingason & Ingimundur Óskarsson.
Trompet - Snorri Sigurðarson.
Sax - Steinar Sigurðarson.
Básúna - Leifur Jónsson.
Túba - Jakob Munck Mortense.
Hljómborð, forritun, bakraddir, bjöllur og klapp - Stefán Örn Gunnlaugsson.
Ásláttur - Thorbjorn Knudsen.
Bakraddir - kristjana Stefánsdóttir & Esther Jökulsdóttir.
Kór - Bjarki Sig, Börkur Birgisson, Margrét Sól Jónasdóttir, Vera Hjördís Matsdóttir og Esther Jökulsdóttir.
Stjórn upptöku og útsettning - Jónas & Stefán Örn.
Hljóðblöndun - Árni Bergmann.
Hljóðvinnsla - Hafþór Karlsson Tempó.