Kjólaball með Heimilistónum í Iðnó

12. ágúst 2010 Hljómsveitin Heimilistónar verður með sitt árlega Kjólaball í Iðnó laugardagskvöldið 21. ágúst n.k. sem er á Menningarnótt Reykjavíkurborgar. Að venju verður mikið um dýrðir og glæsileikinn hafður í  fyrirrúmi.

Heimilistónar er skipuð þjóðþekktum og hæfileikaríkum, en umfram allt gríðarlega skemmtilegum einstaklingum, allt konum.  Þær sérhæfa sig í erlendum lögum frá seinni hluta 20. aldarinnar, gullaldarára rokksins á 5. og 6 áratugs þeirra aldar.  Heimilistónar leggja á það megináherslu að þýða texta laganna eins nákvæmlega og hægt er. Glæsilega framkoma þeirra í ofanálag gerir dansleiki þeirra algerlega  einstaka.

Hljómsveitina skipa
- Ólafía Hrönn Jónsdóttir
- Katla Margrét Þorgeirsdóttir
- Elva Ósk Ólafsdóttir
- Vigdís Gunnarsdóttir
- Ragnhildur Gísladóttir

Þegar grannt er skoðað sést að allar eru stúlkurnar hagvanar á sviði og þá aðallega leiklistarsviðinu.  Þeim er þó greinilega fleira til lista lagt og er miil tilhlökkun í  hópnum að spila í  Iðnó. Miðasala á Miði.is