Frítt: 2 lög úr söngleiknum Buddy Holly

13. ágúst 2010 Söngleikurinn Buddy Holly verður frumdsýndur þann 7. október næstkomandi en hér er á ferðinni einn vinsælasti söngleikur allra tíma. Hefur hann gengið sleitulaust fyrir fullu húsi víða um heim frá frumsýningunni í London árið 1991. Söngleikurinn verður sýndur í Austurbæ en húsið er nýuppgert og hefur ekki litið betur út síðan það opnaði árið 1947. Þetta sögufræga hús er nú komið í toppstand og verður búið allra fullkomnustu hljóð- og ljósagræjum sem völ er á. Á efri hæð hússins verður opnaður nýr og glæsilegur veitingastaður, þar sem eitt sinn var hinn margrómaði veitingastaður Silfurtunglið.

Ingó úr Veðurguðunum fer með aðalhlutverkið í söngleiknum en listrænir stjórnendur sýningarinnar eru reynsluboltarnir Gunnar Helgason (leikstjóri) og Jón Ólafsson (tónlistarstjóri). Sungið verður á íslensku og þýðing söngtextanna er í höndum Davíðs Þórs Jónssonar.

Tónlistin úr sýningunni kemur út þegar líður að frumsýningu en notendum Tónlist.is gefst nú tækifæri á að sækja tvö lög úr sýningunni frítt hér að neðan, lögin Peggy Sue og Endalaust (Everyday).

Söngleikurinn Buddy Holly - Peggy Sue
(Hægri smelltu og veldu Save Target As/Save Link As til að sækja lagið)

Söngleikurinn Buddy Holly - Endalaust
(Hægri smelltu og veldu Save Target As/Save Link As til að sækja lagið)


Miðasala hefst fimmtudaginn 9. september. Þeir sem eru skráðir á póstlista Bravó munu að venju geta tryggt sér miða áður en sala hefst.