Paul Potts kemur fram á Jólagestum 2010

24. ágúst 2010 Breska stórstjarnan Paul Potts mun stíga á stokk í Laugardalshöllinni laugardaginn 4. desember og koma fram með íslenskum stjörnum á jólastórtónleikunum Jólagestir Björgvins.

Þessi 39 ára gamli tenór sló allrækilega í gegn árið 2007 þegar hann tók þátt í fyrstu Britain's Got Talent keppninni í Bretlandi. Í sinni fyrstu áheyrnarprufu heillaði hann áhorfendur, dómarana þrjá og reyndar alla heimsbyggðina upp úr skónum; myndbandið fór eins og eldur um sinu um netið og hefur nú fengið tæplega 80 milljón áhorf á YouTube. Svo fór að hann sigraði keppnina örugglega í beinni útsendingu fyrir framan 13 milljónir áhorfendur.

Paul Potts hefur síðan þá gefið út þrjár plötur sem hafa selst í milljónum eintaka og komist á toppinn í 15 löndum, farið í fimm uppseldar tónleikaferðir um heiminn, sungið fyrir merkar manneskjur á borð við bresku drottninguna og hetjuna sína Jose Carreras, sem kallaði rödd hans "ótrúlegt hljóðfæri."

Mikill fengur eru í komu Paul Potts til Íslands og óhætt að lofa því að Jólagestir Björgvins verði glæsilegri en nokkru sinni fyrr. Frekari tilkynninga er að vænta innan skamms.