Skúli mennski og hljómsveitin Grjót á Faktorý

06. september 2010 Miðvikudagskvöldið 8. september ætlar Skúli mennski og hljómsveitin Grjót að halda tónleika ásamt hljómsveitinni Munaðarleysingjarnir á Faktorý. Tónleikarnir hefjast kl. 22:00 og kostar 1000 kr. inn.

Um miðjan síðasta vetur sendi Skúli mennski frá sér sína fyrstu breiðskífu, Skúli mennski og hljómsveitin Grjót, sem hefur að geyma tíu ný íslensk dægurlög um ástina, sorgina og lífið. Og eitthvað annað í bland. Auk þess að spila lög af plötunni leika Skúli og hljómsveit innlent og erlent efni úr ýmsum áttum. Blús, djass og þjóðlagatónlist.

Hljómsveitin eða “Samfélagið” Munaðarleysingjarnir er stór hópur vina og félaga sem koma úr hinum og þessum áttum tónlistarlífsins, en hafa það öll sameginlegt að hafa unnið saman á einhvern hátt í öðrum verkefnum. Hljómsveitin leikur tökulög í bland við frumsamin lög sem fylgja þó öll ákveðinni stefnu eða tegund tónlistar. Dæmi: Blágresi, Köntrý, Sál, Blús, Þjóðlagapopp og Rokk.