Ólöf Arnalds sendir frá sér lagið Crazy Car

06. september 2010 Mánudaginn 13. september næstkomandi sendir Ólöf Arnalds frá sér nýja plötu sem nefnist Innundir skinni en hún fylgir eftir plötunni Við og við frá árinu 2007. Annað smáskífulagið af plötunni, Crazy Car, er komið út en í laginu nýtur Ólöf aðstoðar listamannsins Ragnars Kjartanssonar. Crazy Car er fyrsta lagið sem Ólöf sendir frá sér á ensku en lagið er eitt af þremur sem Ólöf syngur á ensku á nýju plötunni.  Kjartan Sveinsson úr Sigur Rós stjórnar upptökum á plötunni, líkt og hann gerði á fyrstu plötu Ólafar, Við og við. Meðal gesta á plötunni eru Skúli Sverrisson, Davið Þór Jónsson, María Huld Markan Sigfúsdóttir, Daníel Bjarnason, Matthías Hemstock, Róbert Reynisson og Björk.

Ólöf heldur í tónleikaferð til að kynna plötuna og spilar m.a. á undan frönsku hljómsveitinni Air á fernum tónleikum í Frakklandi og flakkar síðan um Bandaríkin með hljómsveitinni Blonde Redhead.