Minningartónleikar um Kristján Eldjárn gítarleikara

Minningartónleikar um Kristján Eldjárn gítarleikara
18. maí 2012 Fimmtudaginn 7. júní nk. heldur Minningarsjóður Kristjáns Eldjárns gítarleikara tónleika í Þjóðleikshúsinu til að minnast þess að tíu ár eru liðin síðan Kristján lést og eins þess að í sumar hefði hann orðið fertugur.

Fjöldi flytjenda kemur þar fram, meðal annars Bubbi Morthens, Páll Óskar, Ham, Víkingur Heiðar, Ragnhildur Gísladóttir, Jack Magnet, Sykur, Kristjana Arngrímsdóttir, Guðmundur Pétursson, Jóel Pálsson, Einar Scheving, Ari Eldjárn og Eva María Jónsdóttir. Tónleikarnir hefjast klukkan 20. Allur ágóði af tónleikunum rennur í minningarsjóðinn. Minningarsjóður Kristjáns Eldjárns gítarleikara var stofnaður 2002 af fjölskyldu Kristjáns, vinum og samstarfsmönnum. 

Þá gleður það Minningarsjóðinn að tilkynna að Þursaflokkurinn hefur bæst í raðir staðfestra flytjenda en þeir hafa tvisvar áður leikið á stóra sviði Þjóðleikhússins; á Minningartónleikum Karls Sighvatssonar árið 1991 og þegar þeir tóku þar upp tónleikaplötu sína Á hljómleikum árið 1980.

Miðasala fer fram á Miði.is og leikhus.is