Sálin hans Jóns míns - Kominn tími til

11. júní 2009 Lag vikunnar að þessu sinni er glænýtt lag með Sálinni hans Jóns míns.

Sálin hans Jóns míns sendir hér frá sér splunkunýtt lag og er það annað af tveimur sem er væntanlegt frá sveitinni þetta sumarið. Lagið heitir Kominn tími til og kemur úr kunnum ranni þeirra Guðmundar og Stefáns. Þeir ásamt Friðriki, Jens og Jóhanni lögðu í þessa ópusa í maíbyrjun og kemur sá seinni út um miðsumar. Sálin er búin að vera í sínu lengsta úthaldi hinn seinni ár. En það byrjaði með afar vel heppnuðum 20 ára afmælistónleikum sveitarinnar 14. mars í fyrra. Planið er að spila fyrir landslýð fram að hausti og leggjast síðan í hýði um veturinn.

Næstu tónleikar Sálarinnar eru sem hér segir:
13. júní: Hvíta húsið, Selfossi
19. júní: Spot, Kópavogi
20. júní: Sjallinn, Akureyri
27. júní: Versalir, Þorlákshöfn
04. júlí: Akranes ("Lopapeysan 2009")
11. júlí: Valaskjálf, Egilsstöðum
18. júlí: Njálsbúð, Landeyjum
01. ágúst: Þjóðhátíð, Vestmannaeyjum
02. ágúst: Sjallinn, Akureyri
08. ágúst: Officeraklúbburinn, Keflavík
15. ágúst: Breiðin, Akranesi
22. ágúst: Nasa, Reykjavík

Smelltu þér á þetta frábæra lag fyrir aðeins 149 kr.