Frítt lag með Feldberg

14. október 2009 Feldberg sendir hér frá sér lagið Dreamin' og fæst nú frítt fyrir notendur Tónlist.is.

Dúettinn Feldberg varð til þegar Einar Tönsberg, betur þekktur sem Eberg, vantaði söngkonu til að syngja inn á lag sem hann hafði samið fyrir auglýsingu. Var bent á Rósu Birgittu Ísfeld úr öllum áttum og sló Einar til enda spenntur fyrir þessari söngkonu sem allir voru sammála um að myndi henta laginu vel. Ekki varð hann fyrir vonbrigðum og ákváðu þau strax að vinna frekar saman. Nú einu ári síðar er plata væntanleg og áhugi erlendis frá.

Nýjasta lag Felberg heitir Dreamin' og er af væntanlegri plötu sem kemur út í enda október. Mun lagið fást frítt hér á Tónlist.is í eina viku og er hægt að sækja það hér að neðan. Áður hafa lögin Don't Be a Stranger og You & Me hljómað á öldum ljósvakans.

Feldberg - Dreamin'
(Hægri smelltu og veldu Save Target As/Save Link As til að sækja lagið)

Gaman er að segja frá því að Parlophone útgáfan í Bretlandi setti sig í samband við Feldberg eftir að hafa heyrt lagið Don't Be a Stranger sem þeir hrifust mikið af. Bíða þeir nú spenntir eftir plötu Feldbergs og fylgjast með hverri hreyfingu dúettsins.

Áhugasömum eigendur Airwaves armbanda er bent á það að Feldberg mun koma fram á Iceland Airwaves hátíðinni á besta tíma og stað, laugardagskvöldið á Nasa. Einnig munu þau taka lagið hjá Loga í Beinni á Stöð 2 næstkomandi föstudagskvöld.

Cod Music gefur Feldberg út á Íslandi.