Popp-Emo-Punk kvöld á Sódómu

09. mars 2010 Fimmtudagskvöldið 11. mars fer fram Popp-Emo-Punk á skemmtistaðnum Sódóma Reykjavík. Fram koma sveitirnar Endless Dark, Nögl og Reason to Believe. Húsið opnar kl 21:00 og kostar litlar 500kr inn, 18 ára aldurstakmark.

Hljómsveitin Endless Dark frá Ólafsvík og Grundarfirði hefur heldur betur vakið athygli eftir að hafa sigrað íslensku undankeppni Global Battle of the bands og mun hún fara til Bretlands og keppa fyrir Íslands hönd í næsta mánuði.

Hljómsvetin Nögl frá Grundarfirði gaf út sína fyrstu plötu, I Proudly Present, í fyrra og hefur síðan þá verið ötul við að kynna hana. Meðal annars má nefna túr um Florída seint á árinu 2009, en einnig vakti hljómsveitin mikla athygli yfir jólin fyrir ábreiðu sína af Snjókorn Falla.

Reason to Believe er hljómsveit sem kemur frá Keflavík og náði nýlega þeim skemmtilega árangri að vera valin hljómsveit fólksins á hljómsveitakeppninni Rokkstokk.