Nýtt lag frá Paul McCartney

09. mars 2010 Paul McCartney hefur sent frá sér nýtt lag sem heitir (I Want To) Come Home. Lagið er sérstaklega samið fyrir kvikmyndina Everybody's Fine að ósk leikstjóra myndarinnar Kirk Jones en myndin skartar þeim Robert De Niro, Drew Barrymore og Kate Beckinsale í aðalhlutverkum.

Þegar Paul var spurður útí hvernig hann samdi lagið sagði hann að hann hafi horft á myndina og í lok hennar þar sem nýja lagið hans átti að vera, var eitt af hans eldri lögum, Let It Be, í flutningi Arethu Franklin. Hann bætti við að hann hafi hugsað með sér að hann gæti ekki samið nýtt Let It Be og að hann gæti ekki sungið eins og Aretha og því þurfti hann jafnvel að hætta við að taka að sér verkefnið. En hann byrjaði að leika sér með nokkra hljóma á píanóið og þá kom þetta einn, tveir og þrír.

Þess má geta að lagið var tilnefnt til Golden Globe verðlaunanna fyrr á árinu.