Ný plata væntanleg frá Ólafi Arnalds - 1 lagabrot á dag

11. mars 2010 Þann 19. apríl næstkomandi kemur út önnur breiðskífa Ólafs Arnalds á vegum Kölska hér á Íslandi. Platan sem heitir ...and they have escaped the weight of darkness inniheldur 9 lög. Frá og með deginum í dag, 11. mars, mun Ólafur setja inn 1 lagabrot á dag inn á heimasíðuna, www.olafurarnalds.com, til að gefa aðdáendum sínum örlítin forsmekk af nýju plötunni.

Ólafur Arnalds hefur verið meðal áhugaverðustu tónlistarmanna landsins síðan frumburður hans, Eulogy for Evolution, kom út árið 2007. Hann blandar saman strengjum, píanói og rafmögnuðum áhrifum svo úr verður nýstárleg og forvitnileg súpa klassísks popps. Ætlunin er að færa klassíkina til þeirra sem ekki þekkja hana fyrir, enda eru fáir kunnugir klassískri tónlist sem ekki hafa verið að læra hana allt sitt líf.

Ólafur byrjar á tónleikaferðalagi um heimin þann 20. mars nk. til að kynna nýju plötuna og fyrsta stopp er Asía með smá viðkomu á Spáni