Páll Óskar 40 ára - 50% afsl. á lögum og plötum

12. mars 2010 Hinn síungi diskókóngur og eina sanna íslenska stórdiskódíva, Páll Óskar fagnar, ótrúlegt en satt, fertugsafmæli sínu þriðjudaginn 16. mars. Að því tilefni er 50% AFSLÁTTUR á öllum lögum og plötum með Pál Óskar hér á Tónlist.is út næstu viku.

Páll Óskar mun efna til mikillar afmælisveislu á skemmtistaðnum Nasa við Austurvöll, laugardagskvöldið 13. mars. Allir landsmenn eru velkomnir og kostar aðeins 1000 kr inn en forsala miða fer fram á Nasa. En hátíðarhöldin enda ekki þar því fimmtudaginn 18. mars mun Páll Óskar og ásamt hljómsveitinni Hjaltalín leika lög sem spanna breiðan og fjölbreytilegan tónlistarferil hans. Auk þessa mun Hjaltalín spila fulla tónleika af eigin efni, áður en Páll Óskar stígur á svið með þeim. Að sjálfsögðu fara tónleikarnir fram á Nasa. Hægt er að nálgast miða á tónleikana á Miði.is

Páll Óskar hefur verið ein helsta poppstjarna Íslands allt frá því að hann gaf út frumraun sína og óð sinn til diskótónlistar, Stuð, árið 1993. Á eftir fylgdu sólóplöturnar Palli (1995), Seif (1996) & Deep Inside (1999) áður en að samstarf Páls Óskars við hörpuleikarann Monkiku Abendroth gaf af sér plöturnar Ef ég sofna ekki í nótt (2001) og Ljósin heima (2003).  Annað samstarfsverkefni, við kokteil- og salsasveitina Milljónamæringana, gat af sér plöturnar Milljón á mann (1994) og Þetta er nú meiri vitleysan (2001) & annað svipað verkefni var platan Stereo (1998) þar sem Páll Óskar og hljómsveitin Casino léku þekkta kokteil & bossa nova slagara. Árið 2007 var aftur kominn tími á diskógallann og dansskóna þegar að hin metnaðarfulla og feykivinsæla plata Allt fyrir ástina leit dagsins ljós.

Ath. að afslátturinn reiknast í körfunni