Ólafur Arnalds hlaut Netverðlaun Tónlist.is

14. mars 2010 Árlega veitir Tónlist.is hin svokölluðu Netverðlaun á Íslensku tónlistarverðlaununum. Netverðlaunin eru fyrir þá listamenn sem hafa skarað fram úr í að koma sér og sinni tónlist á framfæri á netinu. Árið 2008 var það Páll Óskar sem fékk verðlaunin og í fyrra var það Baggalútur.

Vinningshafinn í ár nýtir sér netið til að koma sér á framfæri til hins ýtrasta. Hann notar bæði twitter, facebook, myspace og youtube til að vera í sambandi við aðdáendur sína. Hann skapaði sér nafn í tónlistarheiminum í gegnum netið og hefur vakið talsverða athygli erlendis. Árið 2009 samdi hann eitt lag á dag í viku og gaf þau á netinu. Yfir 200.000 manns náðu í þessi lög en lögin komu síðan út plötunni Found Songs. Ný plata frá honum lítur dagsins ljós í Apríl 2010 sem heitir "...and they have escaped the weight of darkness". Frá 11. mars kemur eitt lagabrot af plötunni inn á vefsíðuna hans til að gefa aðdáendum örlítin forsmekk af plötunni. Netverðlaun Tónlist.is í ár hlýtur Ólafur Arnalds