Mínus á Batteríinu

15. mars 2010 Þann 19. mars næstkomandi mun hljómsveitin Mínus troða upp á tónleikastaðnum Batteríið – áður Organ. Þetta þykja merkileg tíðindi þar sem sveitin hefur ekki leikið á tónleikum hérlendis um nokkurt skeið.

Í gamalli hlöðu sem staðsett er á afviknum stað vestur í Húsafelli vinnur sveitin hörðum höndum að nýrri breiðskífu. Á tónleikunum munu Mínus-liðar leika lög af væntalegri plötu í bland við ódauðlega rokksmelli.

Um upphitun sér raftónlistarmaðurinn Biogen. Húsið opnar stundvíslega klukkan 22:00 og er miðaverð 1000 kr. Áhugamenn framsækinnar tónlistar eru almennt á þeirri skoðun að þetta sé tónlistarviðburður sem engin má láta fram hjá sér fara.