Margrét Eir með tónleika í Hafnarfjarðarleikhúsinu

18. mars 2010 Söngkonan Margrét Eir verður með tónleika laugardaginn 27. mars í Hafnarfjarðarleikhúsinu.

Þar ætlar hún að taka fyrir lög úr söngleikjum þar á meðal Les Misarable, Ragtime, The Life og Jesus Christ Superstar. Margrét Eir er menntuð sem leikkona frá Emerson College í Boston bæði í Musical Theater og Acting, þá má segja að Margrét verði á sínu sérsviði á þessum tónleikum.

Með henni verður Matti Kalli á píanó, gítar og harmónikku en Matti kemur frá Finnlandi og hefur verið framarlega í tónlistarlífiinu þar. Gestasöngvari verður Ágúst Ólafsson baritónsöngvari. Ágúst hefur verið meðal annars starfandi við Íslensku óperuna síðustu ár og fór hann m.a. með titilhlutverkið í Sweeney Todd. Miðasala fer fram á Miði.is