SAMNINGUR
Samningur þessi er gerður milli þín, sem notanda og
D3 Miðla ehf. (D3), eiganda og rekstraraðila tónlist.is (www.tonlist.is),
Samingurinn gildir um notkun þína á tónlist og öðru efni á tonlist.is ("þjónustan").
Með því að ljúka skráningarferlinu og samþykkja samning þennan lýsir þú yfir að
þú hafir lesið og skilið samninginn og fallist á að vera bundin/n af skilmálum hans
og skilyrðum.
TILKYNNING
D3 Miðlar ehf. gæti öðru hvoru breytt, bætt við eða aðlagað skilmála samningsins,
og birtir eintak af slíkum breyttum samningi á vefsvæðinu. Ályktað verður að þú
hafir samþykkt samninginn með áorðnum breytingum eftir að breyttur samningur hefur
verið birtur ef þú heldur áfram að nota þjónustuna.
LÝSING Á ÞJÓNUSTUNNI
Tónlist.is er rafræn tónlistarþjónustu þar sem viðskiptavinir geta keypt stök lög
til niðurhals og/eða skráð sig í áskrift sem heimilar ótakmarkað streymi á tónlist
og myndböndum. Viðskiptavinum gefst kostur á að skrá sig í prufuáskrift einu sinni
í ákveðinn tíma.
Þjónustan er áskriftarþjónusta á tónlist en einnig getur þú verið skráður notandi
án áskriftar. Eftir því hvaða þjónustu þú kaupir hefur þú heimild til að streyma,
brenna á geisladisk og yfirfæra á stafræna spilara ákveðna tónlist sem þjónustan
veitir aðgang að. Til þess að fá aðgang að þjónustunni þarft þú að setja upp (eða
virkja, ef hann hefur þegar verið settur upp) ákveðin hugbúnað frá þriðja aðila
sem bundinn er eignarrétti; öðru hvoru gætir þú einnig þurft að setja upp annan
hugbúnað sem í boði er hjá þjónustunni. Þú berð ábyrgð á öllum vélbúnaði, kerfum
og/eða forriti/um sem þú notar og öllum viðkomandi þóknunum og útgjöldum til að
tengjast, vafra eða nota á annan hátt Netið, til að fá aðgang að þeim vefsíðum þar
sem þjónustan er boðin og hvað varðar annað en beina þjónustu D3 Miðla ehf., að
vafra, streyma, niðurhala, brenna eða yfirfæra lögin eða allt annað efni sem aðgangur
fæst að gegnum þjónustuna.
SKRÁNINGARSKYLDUR ÞÍNAR
Til að nota þjónustuna verður þú að skrá þig inn og veita tonlist.is tilteknar upplýsingar
og þú fellst á að þú munir einungis nota þjónustuna á því svæði þar sem þú býrð
nú. Þú samþykkir að gefa nýjustu og nákvæmar upplýsingar þegar þú skráir þig og
að uppfæra skráningarupplýsingar þínar eftir þörfum þannig að þær séu réttar og
nákvæmar þegar þú ætlar að skrá um þig upplýsingar og skrá þig inn getur notandanafn
þitt og lykilorð verið sama nafn og lykilorð og þú valdir þegar þú skráðir þig á
inngangssíðu. D3 notar skráningarupplýsingar þínar í samræmi við trúnaðarstefnu
sína. Vinsamlegast skoðaðu trúnaðarstefnu okkar, sem er að finna á vefsvæðinu áður
en þú lýkur skráningarferlinu.
Þú samþykkir að þú leyfir ekki öðrum að nota notendanafn þitt, lykilorð og/eða áskriftarreikning.
Þú samþykkir að leysa D3 undan ábyrgð og halda fyrirtækinu,og/eða leyfisveitendum,
eftir því sem við á, skaðlausum gagnvart allri óviðeigandi, óleyfilegri eða ólöglegri
notkun á notendanafni þínu, lykilorði og/eða áskriftarreikningi. Hér er m.a. átt
við ólöglega, óleyfilega eða óviðeigandi notkun einhvers sem þú hefur gefið heimild
til að nota notendanafn þitt, lykilorð og/eða áskriftarreikning.
Þegar að skráning fer fram á vefnum fer notandi/áskrifandi sjálfkrafa á vef-póstlista/SMS lista Tónlist.is. Áskrifandi/Notandi getur farið undir Stillingar á notendanafninu sínu og afskráð sig af vef-póstlista Tónlist.is. Upplýsingar þessar eru trúnaðarmál Tónlist.is og eru aldrei afhentar þriðja aðila.
NOTKUN ÞJÓNUSTU, HUGBÚNAÐAR, LAGA OG EFNIS
Þjónustan. Þér er einungis heimilt að nota þjónustuna í samræmi við
skilmála og skilyrði samningsins og jafnframt viðbótarskilmála sem tilgreindir geta
verið í tengslum við ákveðna tækni eða aðgerð í þjónustunni. Þjónusta D3 er til
einkanota. Þú gerir þér ljóst og samþykkir að þú megir ekki yfirfæra eða endurfæra,
útvarpa eða endurútvarpa, flytja opinberlega eða notfæra þér þjónustuna á nokkurn
hátt í viðskiptalegum tilgangi. Til dæmis er þér óheimilt að nota þjónustuna til
að spila tónlist á veitingastað eða í verslun eða á nokkrum opinberum vettvangi nema að sérstaklega sé samið um það.
Hugbúnaður. Allur hugbúnaður sem D3 Miðlar ehf. gefur aðgang að, í
þjónustunni eða gegnum hana, nýtur verndar skv. höfundalögum og öðrum lögum og um
notkun þína á slíkum hugbúnaði fer skv. skilmálum og skilyrðum samnings þessa og
öllum gildandi samningsleyfum notanda.
Lög og efni. Þú gerir þér ljóst og samþykkir að lög og efni eru í
eigu D3, samstarfsaðila eða leyfisveitenda, eftir því sem við á, og njóta verndar
skv. höfundalögum. D3 veitir þér takmarkaðan, óframseljanlegan, afturkallanlegan
rétt, sem ekki er einkaréttur, til að móttaka með því að streyma, niðurhala og/eða
afrita, eftir því sem við á tónlist á einkatölvu þinni eða öðrum miðlum eins og
leyft er skv. notkunarreglum. Þú gerir þér ljóst og samþykkir að þér er óheimilt
sækja, endurgera, breyta, birta, flytja, yfirfæra, dreifa eða nota á annan hátt
lög eða efni nema í samræmi við það sem skýrt er kveðið á um í samningi þessum.
Þú gerir þér ljóst og samþykkir að þér leyfist ekki að heimila, hvetja til eða láta
viðgangast endurgerð, breytingu, birtingu, flutning, yfirfærslu, dreifingu eða aðra
notkun þriðja aðila á lögum eða efni sem þú notar eða nærð í, og þú samþykkir að
þú munir gera allar ráðstafanir sem af sanngirni má krefjast til að hindra slíka
óleyfilega notkun.
Erlent streymi.
Vakin skal athygli á því að streymi á erlendri tónlist af Tónlist.is telst sem erlent
niðurhal. Að streyma íslenskri tónlist flokkast sem innlent niðurhal. Kostnaður við
erlent niðurhal er skv. verðskrá hvers fjarskiptafyrirtækis fyrir sig.
NOTKUNARREGLUR / ÁSKRIFT
Notkunarreglur. Þú gerir þér ljóst og samþykkir að aðgangur þinn að
og/eða notkun á tónlist lýtur takmörkunum skv. fyrirmælum, leiðbeiningum og reglum
sem fylgja tónlistinni á tónlist.is ("notkunarreglur") og lýst er í þessum kafla
samningsins. Þér leyfist ekki að reyna að sniðganga, afkóða, finna lykil að eða
breyta á annan hátt eða eiga við notkunarreglur eða hljóðskrár.
Áskriftarpakkar. Sérhver áskriftarpakki að tónlist.is heimilar þér
að streyma ótakmarkaðan fjölda laga það tímabil sem við á. Í tilteknum áskriftarpökkum
getur einnig verið innifalin innistæða fyrir fyrirfram ákveðnum fjölda "yfirfæranlegra
laga". Þjónustan fylgist með fjölda yfirfæranlegra laga sem þú tekur út gegn innistæðunni og tónlist.is lætur
þig vita þegar þú hefur tekið út alla slíka innistæðu sem fylgir áskriftarpakkanum.
Þú getur einnig keypt aukainnistæðu fyrir yfirfæranlegum lögum á því verði sem gildir
hverju sinni. Þér er þér óheimilt að nota eða reyna að nota streymi eða yfirfæranleg
lög á annan hátt en þann sem leyfður er skv. gildandi notendareglum.
Áskriftargjald er innheimt sjálfkrafa fyrir hvert tímabil. Áskrift er ótímabundin, ef notandi vill ekki endurnýja áskrift á næsta tímabili þarf hann að segja upp áskriftinni og áskriftin rennur því út sjálfkrafa um leið og því tímabili sem greitt var fyrir lýkur.
"Streymi" er lag sem þú spilar beint og meðan þú ert tengd/ur þjónustunni. Þér er
heimilt að spila eins mörg streymi og þú vilt meðan áskrift þín gildir. Þér leyfist
ekki að reyna að ná í, afrita, eða niðurhala lag sem streymir.
"Yfirfæranlegt lag" eða niðurhal er lag sem þú vistar á harða diskinn og spilar
eftir að áskrift þinni lýkur, brennir á geisladisk eða afritar á smádisk í stafræna
spilara og/eða yfirfærir í stafrænan ferðaspilara. Fyrir getur
komið að ekki sé heimilað að breyta öllum lögum sem í boði eru hjá þjónustunni í
yfirfæranleg lög.
EINKALEYFI OG VÖRUMERKI
Öll vörumerki, viðskiptaheiti, slagorð, og annað það,
sem gefur til kynna uppruna og kemur fram í þjónustunni eða í tengslum við hana
eða einhverja aðgangssíðu, er eign D3 og/eða leyfishafa. Þér er óheimilt að afrita,
birta eða nota einhver slík merki án þess að fá til þess skriflegt leyfi fyrirfram
frá eiganda merkisins.
BROT Á HÖFUNDARÉTTI
Ef D3 fær tilkynningu þar sem staðhæft er að þú hafir gerst brotleg/ur eða hefur rökstuddan grun um að not þín á
þjónustunni, lögunum eða efninu brjóti höfundarétt D3 eða annarra, er D3 heimilt
einhliða að loka tímabundið eða til frambúðar þjónustunni, með eða án þess að tilkynna
þér þar um.
ENDURSALA BÖNNUÐ
Auk þeirra takmarkana sem kveðið er á um hér að framan fellst þú á og samþykkir
að þér sé óheimilt að afrita, dreifa, selja, endurselja eða hagnýta þér í viðskiptalegum
tilgangi einhvern hluta þjónustunnar eða notendanafn þitt eða lykilorð.
BREYTINGAR Á ÞJÓNUSTU
D3 áskilur sér rétt til að breyta þjónustuleiðum og verðskrám, tímabundið eða til frambúðar, hvenær
sem er og öðru hvoru, þjónustunni (eða einhverjum hluta hennar). Þú samþykkir að hvorki D3 né samstarfsaðilar þess séu skaðabótaskyldir
gagnvart þér eða þriðja aðila vegna breytinga, frestunar eða rofs á þjónustunni. Allar breytingar eru tilkynntar á vefsvæðinu.
RÉTTARÚRRÆÐI
Þú gerir þér ljóst og samþykkir að öll óleyfileg not á þjónustunni, lögum, efni
eða hugbúnaði gætu valdið D3 og/eða tengdum fyrirtækjum eða leyfisveitendum óbætanlegum
skaða, sem fébætur ná ekki að bæta. Í slíkum tilvikum hefur D3 Miðlar ehf. og/eða
leyfisveitendur, eftir því sem við á, auk annarra úrræða skv. lögum og eðli máls,
rétt til að grípa til tafarlausra lögbannsaðgerða gegn þér. Ekkert sem kveðið er
á um í þessari grein eða annars staðar í samningi þessum ber að túlka sem takmörkun
á þeim úrræðum eða úrbótum sem fyrir hendi eru skv. lögbundnum eða öðrum kröfum
sem D3 Miðlar ehf. og/eða leyfisveitendur eiga rétt á skv. sérstakri lagaheimild,
þ.m.t. en ekki takmarkað við, allar kröfur fyrir brot á höfundarétti.
SKAÐLEYSI
Þú fellst á að leysa D3 Miðla ehf. ogeða leyfisveitendur undan allri ábyrgð og halda
þeim skaðlausum vegna og gagnvart öllum kröfum, tjóni, tilkalli, tilefni réttaraðgerða
og dómsniðurstöðum sem rekja má til eða varða notkun þína á þjónustunni, tónlist
eða öðru efni og að endurgreiða þeim þegar slíks er krafist andvirði tjóns, kostnaðar
eða útgjalda sem þau verða fyrir vegna hvers kyns krafna.
RIFTUN, UPPSÖGN OG BREYTINGAR Á ÁSKRIFTARPÖKKUM
D3 er heimilt einhliða að slíta samningi þessum eða loka áskriftarreikningi þínum
tímabundið hvenær sem er með eða án tilkynningar til þín ef þú brýtur (eða D3 hefur
rökstuddan grun um að þú hafir brotið) einhver ákvæði samnings þessa. Ef D3 slítur
samningnum eða lokar þjónustunni tímabundið af einhverjum ástæðum sem kveðið er
á um í þessari grein er það hvorki skaðabótaskylt né ábyrgt gagnvart þér.
Þú getur afturkallað áskrift þína með því að tilkynna það vefsvæðinu að þar til
gerðum stað. Afturköllunin gengur í gildi við lok þess reikningstímabils sem þú
afhendir D3 tilkynninguna, og D3 sendir þér tölvupóst sem staðfestir það.
FYRIRVARAR
Þú gerir þér ljóst og samþykkir að notkun þín á þjónustunni, tónlist, hugbúnaði
og öðru efni er alfarið á þína ábyrgð. ÞJÓNUSTAN, TÓNLISTIN, EFNIÐ OG HUGBÚNAÐURINN
ERU VEITT Í ÞVÍ ÁSTANDI SEM ÞAU ERU OG ÁN ÁBYRGÐAR D3 EÐA UMBOÐSHAFA ÞESS, LEYFISVEITENDA,
SAMSTARFSAÐILA OG/EÐA BIRGJA EFTIR ÞVÍ SEM VIÐ Á HAFNA D3 OG SAMSTARFSAÐILARNIR
SKÝLAUST ALLRI ÁBYRGÐ Á HÆFI TIL TILTEKINNA NOTA OG ALLRI ÁBYRGÐ Á AÐ STAÐIÐ SÉ
VIÐ SAMNINGA. ENGIN ÁBYRGÐ ER TEKIN Á AÐ ÞJÓNUSTA, TÓNLIST EÐA NETÞJÓNAR UPPFYLLI
KRÖFUR ÞÍNAR, EÐA AÐ AÐGENGI ÞITT VERÐI ÓROFIÐ EÐA VILLULAUST. D3, ÁBYRGIST HVORKI
NÉ LÝSA NOKKRU YFIR UM NOTKUN OG ÁRANGUR NOTKUNAR Á ÞJÓNUSTUNNI EÐA HUGBÚNAÐINUM
HVAÐ VARÐAR FRAMMISTÖÐU EÐA GETU TIL AÐ TRYGGJA ÖRYGGI, UPPFÆRSLU EÐA ANNAÐ. ÞÚ
SÆKIR EKKI D3 OG/EÐA SAMSTARFSAÐILANA
TIL ÁBYRGÐAR FYRIR SKAÐA SEM HLÝST AF AÐGANGI ÞÍNUM AÐ ÞJÓNUSTUNNI Þ.M.T. EN EKKI
TAKMARKAÐ VIÐ, ALLAR SÝKINGAR TÖLVU ÞINNAR EÐA SKAÐA SEM AF SLÍKRI NOTKUN HLÝST
Á HUGBÚNAÐI EÐA KERFUM EÐA FARBÚNAÐI SEM ÞÚ NOTAR. D3 ER Í ENGUM TILVIKUM ÁBYRGT
FYRIR ÓLEYFILEGUM NOTUM Á ÞJÓNUSTU, LÖGUM, EFNI OG/EÐA HUGBÚNAÐI.
LÖG OG LAGATILKYNNINGAR
Samningur þessi og allir aðrir skilmálar eða skjöl sem vísað er til í samningi þessum
mynda þann heildarsamning við D3 Miðla ehf. sem gildir um not þín á þjónustunni.
Þú gerir þér ljóst og samþykkir, séu ekki skýlaus ákvæði um slíkt í samningi þessum,
að honum er hvorki ætlað að veita né veitir hann einstaklingi öðrum en aðilum samnings
þessa nokkur réttindi eða réttarúrræði. Ef einhver hluti samnings þessa telst ógildur
eða ekki unnt að framfylgja honum, skal sá hluti túlkaður í samræmi við gildandi
lög þannig að hann lýsi, eins vel og unnt er, upphaflegum ásetningi aðila, og þeir
hlutar sem eftir standa skulu halda fullu gildi. Um samning þennan og not þín á
þjónustunni, tónlist og öðru efni fer skv. íslenskum lögum. Þú samþykkir skýlaust
að Héraðsdómur Reykjavíkur hafi einn lögsögu yfir öllum kröfum eða deilum við D3
Miðla ehf. eða sem á einhvern hátt tengjast notendareikningi þínum eða notkun þinni
á þjónustunni, tónlist eða öðru efni. Þú samþykkir ennfremur og fellst skýlaust
á að einstaklingsbundin lögsaga yfir þér sé í höndum Héraðsdóms Reykjavíkur hvað
varðar slíka deilu og þ.m.t. allar kröfur sem tengjast D3 Miðlum ehf.